Kwentuhan

Wala naman ako nyan e.Nagtataka nga si Ate Drex, kung bakit ang aga ko matulog, tas tanghali na ko gumising. Paki-imagine na lang kung anong naging reaksyon niya nung sinabi kong “kasi, prelims namin ngayon…” Oh daba! Parang gusto niya kong kainin… Kasi, siya, halos di na matulog, tas ako, halos di na magising…

Pano naman. Ikaw ba? Di ka ba napapagod mag-solve? Diba nakakabaliw naman? Pahinga naman. Eh maling oras ata napili kong pahinga. Naman kasi, last week pa to nareview. Alangang ulitin ko. Nahahabuang yun. Tama na. Di ko na nga alam kung ilang beses ko ng dinadaanan yung Chapters1-5 ng Fundamentals of Partnership and Corporation. Tas may mga photocopy pa nung problems mula kay Caryl. At bumabaha pa ulet ng photocopy ng accounting problems mula sa iba’t-ibang lupalop ng mundong earth. Di na ko nagpa-photocopt. Sayang ang 50cents. Di ko pa nga matapos-tapos yung unang batch ng problems. Nasusuka na ko kaka-solve eh. Saka na. Sa bakasyon na lang. Haha.

7pages. Imagine! 7pages yung exams ( 8 kung kasama yung answer sheet )… Minadali na ni akda yung theories… Kasi, baka di magkasya ang oras. Time is gold. Grabe, proven and tested na yan sa accounting at stat. Tuwing ililipat ko sa next page, parang nabubunutan ako ng tinik. Tas biglang makikita ko sa baba ng page, 3 of 7, wow, 3 pa lang yun? Parang 10 na yun ah. Weh, OA si akda…

6 of 7… Wow, isa na lang. Come on! Isa na lang. Di pa makaalis dun sa isa na yun. Hahaha. Hanggang pagsilip ko sa relo ko, 15 minutes na lang. Wow talaga.

7 of 7. At nakita kong 10 mins na lang, huhusgahan na ako. Di ko pa man lang nakikilalang mabuti yung last character na si Rosales, at kung ilan pa yung marerecover sa 90,000 niya. Damn it!

Pero pang-inis talaga yung mga problem. Kasi, ina-anticipate ko na ang pagdating ng kinabukasan, dahil madadala na ng mga taong hiniraman ko ( sana ), yung Book7. Ang characters sa mga problems eh galing sa HP. Come on. Hahaha. Fan pala ng HP yung lechugas na gumawa ng exam. Wala lang. Ang epal ko. Yun lang yun.

Sabi nga ni Yani… Failures DO exist… Hahaha…

a writer..
do i consider myself as such?

well, i’m a sucker for writing
i love writing
but i hate scribbling

oh yeah!
found it.
i’m no more than just a “scribbler”
I’m no writer
I know myself better
and i say… i’m just a scribbler

so when do i write?
when do i scribble?

scribbling scribbles
that’s what it is you’re reading now
these’re scribbles i made
scribbles i’d love to share with you

it is when i should be doing somethin’ else
that i find myself scribbling

in scribbling… i find freedom
in scribbling… i find myself
in scribbling… i can escape the reality…

i wanna write
i don’t wanna scribble
i wanna share my thoughts
not fragments of my ideas
i wanna share the whole ME
not just a part of me
i wanna give-in everything
not something…. but… everything…

now i scribble
now i write…

Ang mga susunod na karakter ay kathang-isip lamang, pero inihango sa tunay na buhay. Ang magreklamo sa mga na-assign na itsura sa kanila, panget…

Pictures courtesy of Sigrid…

Spartan
-ang taga-execute ng mga kagaguhan ng klase. Kung ikaw ay nalulumbay, at walang magawa sa buhay, titigan mo si Spartan, at tiyak problema’y mababawasan
-kaboses niya yung nag-dub sa TonTon ang Paghaharap
-magka-jamming kami sa kalokohan
-nung may HW sa accounting, galak na galak kami, kasi, pareho kami ng sagot, ang kaso, pareho nga yung sagot namin, parehong mali
-mukhang kriminal in real life
-okay lang sa kanyang tawagin ko siyang kriminal
-tuwang-tuwa siya nung may aksidente akong nasabi sa kanyang sikretong malupet. kung alam lang ng may-ari ng sikret, sigurado, tigok na ko ngayon at wala sana kayong nababasa ngayon, pero, hindi nalaman ng may-ari. hahaha.

Mainly Mental
-korni
-game lagi sa kahit anong kagaguhan
-feeling matalino
-korni
-feeling bobo
-korni
-tamad
-korni
mahilig sa kape
-korni
-makakalimutin
-korni
-epal
-korni

The Dangling Queen

-madami siyang dangling earrings
-prestigious lahat ( tipong, nanakawin talaga )
-matalino
-nakakatakot tumingin
-tahimik paminsan
-madaldal kadalasan
-madaling magsawa
-mahilig sa fries
-laging lowbatt ang cam
-malalim
-magaling magsulat
-masyadong organized yung laman ng bag niya
-barko yung tawag ko s bag niya
-profound.. hahaha…
-ayaw niya kay Christian Ethics
-um-absent ng accounting para lang makabili agad ng kopya ng HP7
-matalino talaga siya, wala na kong masasabi pa…

Pusa
-tulad ko, mahilig siya sa kape
-lapitin ng mga pusa
-mahilig din siya sa mga pusa
-kulot siya!!!!!!!
-minsan, pumopormang sophisticated,  oh yeah!
-maganda boses
-mahilig kumanta
-napaos siya nung praktis ng pax
-natapon niya yung popcorn nung minsan kamng nagsine
-’fine dining’
-adik sa chicken steak
-adik sa sisig
-tamad din yan (senyorita kasi sa kanila eh)
-ragna addict!
-nag-violin siya dati, kaso, di na ata siya nagppraktis ngayon
-nabadtrip siya ng sobra nung narining niya yung spoiler ng HP7
-tamad siyang mag-explain ( sasabihin niya lang sayo lagi, ‘ah basta!’ )
-madami silang libro sa bahay, dun ako nanghihiram…
-nasakin pa yung kopya niya ng ‘Sophie’s World’

Heaven Sent
-good boy
-pinapagalitan ako pag nagmumura ako
-dadalhan niya daw ako ng bibliya
-naniwala siya nung sabi kong gagawa ako ng reviewer sa christian ethics, di tuloy siya nag-aral… tapos, wala akong ginawang reviewer… hahaha…
-friendly, lahat eh friend niya…
-nawasak na yung bumper ng sasakyan niya, pero dala pa din niya sa skul. ayos!
-maaga siya laging pumapasok, kase, nakikipag-agawan siya sa free parking space =P

Bunny
-sa kanya ako pinakanahirapan mag-isip nitong mga descriptions
-balak niyang magpakalbo
-pumayag agad siyang magpaskinhead nung sinabi ko, hayep!
-favorite nia ang yakult at hello panda (lolz)
-pag magkasama sila ni —, tawag ko sa kanya -cated
-mahilig siyang tumawa
-kung hindi pa mamatay kakatawa yung kausap niya, di niya pa alam na nagjoke na pala siya
-mahilig din siya sa hikaw, di nga lang dangling…
-ahh, nasa baguio yung ‘kinauukulan’ niya
-tambay ako sa dorm nila
-ginawa kong ashtray yung kama niya
-siya yung nagturo sakin ng mga kaartehan words
-pinapalo niya ko lagi, take note, siya lang nakakagawa nun… damn, di ko alam kung bakit di ko pa tapusin yung buhay niya eh.. haha, joke.
-math wiz… yeah!

Hardcore
-astig tong mamang ito
-matalino, pero hindi yung matalinong mukhang ‘uno’
-madami siyang alam… sa mga bagay bagay
-siya yung pinaka-bulgar sa lahat (porn, bisyo, name it!) hahaha…
-metal
-nagreklamo siya one tym, dahil na-lowbatt yung mp4 ng isang klasmeyt
-mahilig siya magbasa ng classic, nakakatakot, pero galing, nakakatuwa siya
-natawa ako sa rason niya dati kung bakit si m@r( yung lagi niyang inaasar
-pumapangalawa siya kay Spartan sa page-execute ng kalokohan
-feeling freshie siya nung first day namin sa klase
-siya yung unang nasabon ng aming accounting prof nung first meeting

Fortuneteller na mahilig tumili
- nang dahil sa kanya, nafrustrate ako, biruin mo, sinabihan niya kong mamamatay daw ako dahil sa ‘old age’. Hayss. Grabe. Binigay niya sa iba kong kaklase yung gusto kong kapalaran, yung ‘freak accident’ chorva.
- madami siyang bitbit na gamit everyday. ang tawag ko sa bag niya, submarine.
- di siya mapakali sa upuan niya
- mahilig siyang tumili… sa classroom, sa tambayan, sa field, at sa kaht anong public place pa. lalo na pag nagugulat siya
- madami siyang alam na english words. siya yung dictionary ko pag nabobobo na ko sa kaka-english
- Malapit niya na kong patayin, lagi kasing nadudulas ako sa mga sikreto niya.
- mabilis siya magsalita.
- siya yung tagapamigay ng chocolate nung dati.
- kakaiba yung inspirasyon niya pag nag-aaral siya sa accounting

TheMan
- hirap nitong lagyan ng descirption. Kung bakit? Tanungin niyo si Sigrid.
- favorite niyang kanta yung ‘Helena’. Pinapakanta sa kanya ng Prof, pero di niya kinanta, naman, kahit ako, di ko kakantahin yun, sana ABCD na lang…
- akalain mo bang gawing algebra ang accounting
- hindi ko alam kung totoo, o kunwari lang, yung pagiging friends nila ni M@r(
- matalino siya. grabe. nakakaelibs.
- laging nakamp3
- kungdi siya nakamp3, nagc-celfone siya
- todo deny siya nung natawa ako at tinuro ko yung naka-drawing na ‘winnie-the-pooh’ sa likod ng reviewer.. “Si Rico nagdrawing niyan…” Nagtaka tuloy ako, kung bawal ba mag-drawing ang mga lalake ng winnie the pooh… Bawal ba? Bawal ba?!
- barado siya sa prof namen sa stat nung first meeting
- madalas na late

Musikera
- active sa pax.
- ano ba? nagv-violin siya.. galing niya nga eh. napapanganga ako
- nung sinabi namin sa kanyang, “Para sa kanila kasi, maganda ang singkit..” Hala, nagbeautiful eyes ang bruha, at tuwang-tuwa talaga siya. Kitang-kita ko sa mga mata niya. Kinilig. Hahaha…
- kasama namin dati mag-lunch sa Almer’s, kaso, ngayon, di na siya masyadong suma-sama, madami daw siyang dates (gawa-gawa ko lang)
- siya yung may pinaka-reliable na notes, lalung-lalo na pagdating sa Finance
- di siya plastik. i like her.. ^_^

Bouncer
- boxer dati yung titulo niya, kaso, binago ng mga boys. Ayan, bouncer na lang.
- nang dahil sa kanya, nagsuot ako ng dress. Dress ampf! Imagine! Hahaha…
- malisyosa, siya yung nagturo sakin ng mga green na bagay. Tulad na lang nung time ng Theology last year, pati si Espino, pinagnasaan niya.
- kikay siya paminsan
-terorista to… lalo na pagdating sa buhok niya. bobombahin ka niya ng tanong kung ayos pa ba yung buhok niya, o kung magulo ba yung buhok niya. Whatiber na pwede niyang itanong tungkol sa kagandahan niya.
- gustung-gusto niyang magpanggap sa pictures na nag-aaral daw siya. Lagi siyang pumopose na kunwari, nagbabasa, or nagcocompute
- hindi din siya plastik. kaya magkasundo kami.
- magaling siya magbasketball, balita ko, natalo niya sila —–, —-, ——, at kung sinu-sino pa sa Quantum. Hahaha. Wow! Idol!
- Ginebra fan. Magkagalit kami pag PBA.
- fan ni Japs Cuan, Akalain mo yun, pinangalan niya sa aso niya (condolence), Jappy… Woohoo…
- naghihilik sa clasroom

Tahimik”DAW”
- tahimik yung dating niyan
- pero, matinik din yan kung humirit
- laging may katext
- pailalim kung mangbalahura
- pansin lang namin, laging namumula or something yung mata niya… di kaya nagddroga siya?
- kasama sa mga DOTA pipol
- dati siyang taga USTHS

Miss Universe
- di ko alam. pero, maganda siya, sexy, at talagang may ibubuga, pero, may something na mali sa kanya. hahaha… sori ah, bad ako.
- namimigay siya ng fudgee bar
- pang-Miss Universe yung mga sagot niya, di makakontra yung mga prof
- pag sumagot siya, kahit pa accounting yung tanong, masisingitan niya yan ng tungkol sa bibliya
-kabisado niya ang bibliya
- madalas siyang pagtawanan, kase, nakakatuwa siya. clown daw ba?! hinde, friendly lang talaga siya. hahaha
- kumpletos rekados yung bag niyan.
- minsan windang siya
- lagi niya kong binabati, tas lagi ko siyang binabara, pero friends kami. pramis.
- nagpalagay siya ng braces. idol niya ko eh
- lagi siyang binabara ni Bron nung first year

TheBrainiac
- tahimik siya DATI
- nayabangan ako sa kanya nuon, dahil sa kanyang SPAF proposal
- mabait na siya ngayon
- makulit nga lang
- very deep naman kung magsalita paminsan
- elibs ako sa sulat niya, ang landi kasi, parang yung mga sulat sa scrolls dati
- matalino siya
- grabe, matalino talaga siya
- epal din pala siya
- hindi ko alam kung manhid siya, pero minsan, sinabi ko sa kanya, tigilan niya ang pagpapa-epal, pero tuloy lang siya sa pagkanta at pagpapa-epal, wa epek ako, ok.
- isa ding HP addict
- composer ng ‘Epal Song’
- siya din yung nag-choreograph ng kanta niya

Playboy ang Acting
- sori, kahit kelan, di kami magkakasundo. pramis. pramis.
- madalas na source ng leakage
- may itsura sana, kaso, minsan, ahh, ahem ahem, may katangahan eh (sensya, that’s how i see it.. hahaha)
- nabadtrip ako sa kanila nuing groupwork sa computer
- may kayabangan
- ahh, rephrase, madaming kayabangan
- madami siyang girls (ayoko ipaliwanag kung bakit)
- bobo talaga siya paminsan

Subsuban
- subsuban talaga to kung mag-aral, walang patawad, nakakatakot
- pero lab na lab niya kami, nagu-unli pa yan, para lang sabihin samin na walang pasok, ano yung coverage ng exams/quizzes at kung anu-ano pang kelangan sa buhay
- nagdala siya dati ng bibingka saka kung anuman yung tawag dun sa isa pa niyang dala
- Bulakenya
- nalink siya sa isa sa mga nabanggit ko na sa itaas ^^
- masipag silang mag-aral nung mga katabi niya. pag pumunta ka sa lugar nila, nakakahiyang mag-ingay, kase, nag-aaral silang mabuti
- pag lumapit siya sayo, at may hawak siyang notebook at pen, maniningil siya. (photocopy ng syllabus, ng quizzes, ng assignments, at ng mukha ni Velayo)
- siya ang namamahala sa klase
- makulit din siya paminsan
- naiyak siya nung nabadtrip siya sa Finance.. Hahaha…

**For violent reactions, call the College of Toknenengpowers. Kung busy or walang sumasagot, just kill yourself…**

The Simpsons

Malay ko kung bakit ngayon ko lang to nagawan ng review, malamang, inatake na naman kase ko ng katamaran. Ayoko ng english-in to, kanina pa ko napapagod mag-ingles, hinayupak na hapon yon, nagdugo ang ilong ko kaka-decipher ng mensahe niya.

Heniway, ayos! Ayos na ayos yung movie. Siyempre pa, LSS? Spiderpig, Spiderpig… What the— Hahaha. Pero, panalo kasi si Homer eh… Talagang idol! Yea! Hehehe. Favorite line? Yeah, I think it’s weird. Ayan, natuto na naman ako ng bagong palusot. Hehehe. Saka, another favorite line from Homer, Gay.Gay.Gay.Gay.GayYun yung pinagdadasal niyang ang aminin ni Flander na bading nga siya. Hayshet.

May drama part, si pareng Bart, ngayon niya lang na-realize, na kakaibang klase yung tatay niya. Hehehe. Yun yung drama part.

Ewan ko. Siguro, kaya trip na trip ko si Homer, tulad ng pagkatrip ko kay Patrick, ay dahil nakaka-relate ako sa kanilang level of stupidity. Yihee…

Thumbs up.

First word ni Maggie… “Sequel” Hehehe.

Oh, end na ng walang kwentang review ko. Natatamad kasi talaga ko mag-review para sa exams. Hahaha.

                Ayaw na ayaw kong binibitbit ‘to papasok ng USTe. Unang-una, kasing-kapal siya ng buong bagahe ko. Pangalawa, di ko mapansin kung nababawasan ba ang mga natututunan ko kung sakali mang hindi ko nga siya bitbitin sa skwela. Pangatlo, inutil talaga siya at di ko Makita kung nag-exceed ba ang benefits over sa cost. And lastly, mabigat lang talaga siya.

                Minsan, napagtripan ko na namang huwag bitbitin ang aklat ko. Ngunit, nung oras na ng Finance, bigla ko na lang naisipang makinig sa aming propesor. Eh pano ba? Wala akong aklat. Tumabi ako sa isang kaibigan, ayos, may instant mami noodles, este, ka-share na ko ng libro. Matinu-tino na din sana akong nakikinig sa propesor ko, nang biglang dumating ang may-ari ng silya. Napatalsik ako. At bago ko pa napuna, wala na akong sinisilip na libro.

Di ako mapakali. Mukhang busy na busy ang lahay at lahat ay may kahati sa libro. Ang bobo ko kasi. Kung kelan wala akong aklat, saka ako ganadong makinig.

Nasulyapan kita sa isang sulok. Seryoso ka sa pagbasa. Wala ka pang ka-share. Bigla akong napaisip kung tatanungin ba kita kung pwedeng makibasa or huwag na lang. Pero dahil kakakain ko lang ng chocolate nung umagang yon, bago ko pa napansin, lumalapit na pala ko sayo, at bago ko pa maisip kung anong sasabihin, bigla ko na palang nabulalas ang mga salitang, “Pwedeng pa-share..?” At bago ko pa napuna na medyo tabingi yung silya sa tabi mo, magkatabi na pala tayo. Nagsasalo sa isang libro. Sweet!

Ayan. Na-conquer ko na ang hiya. Pero di ko mapigilang mapansin kung bakit nagbago ang mga emosyong nakapinta sa mukha ng mga tao sa paligid natin. Tinukso pa ako ng isa nating blockmate, “Girl, ikaw ha, pinapasa mo pa sakin, ikaw pala ang may hidden agenda dyan.” Sa lakas ng pagkakasabi niya, alam ko at alam mong narinig nating pareho yun.

Lagot. Tuksuhan blues na. Pero deadma ka lang. Todo-deny ako. Hayep! Ang galing natin. Natahimik sila. Nagsawa silang mang-asar.

Bigla, di natin napigilang mag-reak sa mga kalokohang sinasabi ng propesor na dumadada sa harapan. At bago pa natin napuna, pareho na natin siyang binabalahura.

Ngayon, napansin ko, may tinatago ka palang kakornihan sa katawan. Ma-joke ka din pala. Wow. Lalo tuloy akong humahanga sayo.

Balik sa libro ang tingin natin… Hintayan tayo. Pakiramdaman. Pag natapos ko ng basahin yung page na yon, titingin na ko sa ibang lugar, para naman malaman mong pwede mo ng ilipat ng ibang page kung matapos ka ng magbasa. Pag nauna ka naman matapos, at nagbabasa pa ako, papakiramdaman mo kung tapos na ba ko, at papakiramdaman ko din kung naiinip ka na ba kakahintay. Wow. Anlakas ng senses ko nung mga panahong yan.

Tapos nung wala ng kwenta yung binabasa natin, inokray na lang natin yung mga nakasulat sa libro.

Bigla ko tuloy naalala…

Nung natawa ako sayo nung unang klase natin sa stat. Nung tanungin ka ng prof kung ano yung “average”. Nalaman ko na agad nun na matalino ka at may ibubuga. Nalaman ko na din non, na ito na naman yung “Charmaine Invasion”*. Pag kasabi mo pa lang nung sagot mo, sabi ko na agad, “patay kang bata ka..” Kasi alam ko, barado ka sa prof natin. At di naman ako nagkamali, binara ka nga niya. At magmula noon, nahumaling na si Gurl sayo. Akalain mo yun, di pa tumatama yung sagot mo, nahumaling na pala ko sayo. Tsktsktsk. Malala na to.

Dagdagan pa yan nung singitan mo ng algebra ang accounting. Natawa nga ako sayo nun eh. Sabi ng prof, “Di ako magaling sa algebra, pero sige, dahil nagmamagaling ka sa algebra, ipaliwanag mo yan.” Elibs ako sayo nun. Oo, madali lang yung ginawa mong formula, pero sana naisip mo din, na madali lang naman talaga yung problem, tapos ginawan mo pa ng equation. Gustung-gusto mo yatang pinahihirapan yung sarili mo eh.

At naalala mo ba? Nung tahimik na tahimik ka pa nung first week? Nilapitan kita at kinausap. Nagjo-joke ako. Napapangiti ka naman. Dun ko napansin ( at hanggang ngayon eh paulit-ulit pa ding sinasabi ng isa kong friend ) na ang ganda ng mga mata mo. Tagos kung tumingin. At ayoko pa mang aminin, pero napapahanga mo na talaga ako.

Minsan, napag-usapan ka namin ng barkada. Isa ka na nga sa mga Certified “Boyfriend Material” sa klase. May iba pa kong kandidato, pero siyempre, ikaw yung numero uno.

“Oh, lipat ko na..?” Biglang bumalik ang diwa ko. At dali-dali akong tumango at ngumiti sayo. Nasa klase nga pala tayo, share tayo ng libro. Buti na lang iniwan ko yung aklat ko. Sana pala, din a ko bumili ng kopya ko.

————————————————————————————————

*eto yung mga transferees mula sa ibang block, ang lumulutang sa klase. In short, sila yung mga nag-aaral mabuti para sa ikabubuti ng bansang Pilipinas

Oo. Hirap. Talaga? Oo. Totoo pramis.

Mahirap palang magkunwaring nag-aaral

Mahirap magkunwaring nag-aaral habang nanunuod ng boxing

Mahirap magkunwaring nag-aaral habang nanunuod ng boxing at katext ang kung sinu-sino

Mahirap magkunwaring nag-aaral habang nanunuod ng boxing at katext ang kung sinu-sino tapos iniinterview pa ko kung anong nangyare sa mga naunang laban.

Hirap. Grabe. Pinagpawisan nga ako eh.

Tas kung sino pa yung inaabangan kong lumaro, siya pa yung natalo, ay sauce!

Akalain mo yun, yung unang talo ni Idol Boom Boom sa record niya, hmmm, knockout?! Ang masaklap pa niyan, aba’y pers round pa lang pare. Haha. Hindi naman sila masyadong excited nun eh noh?

Si Dio, inokray-okray ang laro ni Boom Boom, na talaga namang kaokray-okray. Pero nagkaisa kami ni JP, na mukhang gangster yung kalaban ni Boom Boom. Haha. Pero, seryoso, kala ko wrestling na yung pinapanuod ko eh (wooshoo! OA talaga ni AKDA oh!)

Hala. Totoo ang himala! Ang himala ay talagang nasa puso natin! Hahaha. Nanalo ang USTe! Akalain mo yun! Mula nung 1998 ata yun, oh kung kelan mang-super-tagal-na-taon-na, eh ngayon lang natin ulit natalo ang DLSU! Oh yeah! Party mehn! Hahaha.

Ang hirap talaga.

Mahirap magkunwaring nag-aaral.

Mahirap mag-formulate ng madaming-madaming excuses para lang ma-delay ang pagre-review, tulad nitong multiply, pag wala na kong magawa, kelangan ko na naman umisip ng bagong gagawin, para di muna ko mag-review. Hahahaha…

Mahirap din manghula kung kelan yung birthday ni Bong at ni Bong. Elem klasmeyts kasi, dalawin ko daw siya sa beerday niya. Malay ko ba kung kelan yung beerday ng hinayupak na yon. Tagal na naming di nagkita tas hahanapin ko pa sa Wikipedia kung kelan birthday niya. Tae, pahirap talaga mga tao sa mundo ngayon.

Mahirap din magkunwari na hindi ako inaantok habang nage-exam.

Mahirap mag-isip kung ano pa bang mahirap gawin ang dapat kong itype dito.

Mahirap. Pramis.

Napaisip ako kaninang Pinans, kung sadyang bobo ba talaga ko, kasi parang nagulantang ako sa inihaing problems ni Bobi…

Ayan, nung matagal-tagal na kong nabubuwang, saka lang naisipang sabihin ni Bobi, na “Look at the board…”

Eh, anak ng tinapang binabad sa sukang may patis, kahit sino naman madedemonyo na talaga sa kanya. Akalain mo bang inakusahan ko ang sarili kong bobo, dahil buong akala ko, eh tinuro niya na yon, at wala talaga kong naintindihan sa kanya. Eh yun naman pala, wala talaga yun. Di yun kasali. Paepek lang niya yon. Hay buhay! Para talagang life!

At talagang may pa-suspense epek pa, kasi di na lang niya sinabing mas maaga, nang sa ganon, eh di sana, walang nahirapang kaluluwa. Napaka-igsing instruction, di niya pa nasabi, sa halip, kinuwento niya samin yung plano niyang gawin pagtapos naming magsagot. What the—