Noon…
Masaya tayo…
Di ko alintana pag madaming kaguluhan sa paligid
Panatag na ko na ikaw ang kasama ko
Masaya tayo…
Kahit madaming kontrabida sa relasyon natin
Deadma lang
Mahal kasi kita
Masaya tayo…
Tanggap ko kung sino ka
Kahit pa sangkatutak na bisyo ang meron ka
Ni minsan, di kita sinubukang pigilan
Kasi, nakilala na kitang ganyan
Kasi, minahal kitang ganyan
Wala akong balak baguhin ka
Mahal ko at tanggap ko kung sino ka pa
Masaya tayo…
Tanggap mo din kung ano ako ( yun yung akala ko )
Sumasama ka sa group studies namin
Sa kung anu-anong researches ko
Ang alam ko, sinabi pa minsan ng iyong katropa na nagiging nerd ka na din
Masaya tayo…
Opposites…
Pero swak na swak sa isa’t-isa
Parang magnet ang dating
Masaya tayo…
Minsan sinama mo pa ko sa ‘session’ niyo
Di ako tumanggi
Parte yan ng buhay mo
At gusto ko ding maging parte ng buhay mo
Masaya tayo…
Kahit na nagkaroon din ako ng bisyo dahil sayo
Tinuruan mo ko ng mga bagay na I classify as ‘bad’
Pero nung ikaw nagturo sakin, they’re not bad anymore
Kasi… Ikaw yun…
Masaya tayo…
Kahit pa nagkaroon ako ng bagsak na subjects,
Di na din ako DL.
Yung scholarship ko, wala na
Yung mga pangarap ko, unti-unti ko silang iniwan
Yung mga ginagawa ko dati, wala na
Ang sarili kong barkada, wala na
Di ko pa napapansin,
Unti-unti mo na pala akong binabago
Unti-unti, hinuhubog mo ako sa kung sino ang gusto mong maging ako,
At hindi sa kung sino ako…
Pero, mas mahal mo kung sino yung gusto mong maging ako, kesa sa kung sino ako
Ayos lang, mahal kasi kita…
Wala akong pakelam
Feel na feel ko pang magrebelde noon nung pinalayas ako sa bahay dahil sayo…
Sinamahan mo ko…
Naglakbay tayo sa sarili nating mundo
Oo, ayos lang saken lahat…
Di ko inalintana ang kaguluhan na nangyayari sa buhay ko
Kahit nawalan ng direksyon ang buhay ko
Ayos lang
Mahal kasi kita eh
Natuto akong uminom,
Lunurin ang mga problema sa tulong ng serbesa
Yan ang linyang gamit mo
Akala ko dati, ginagamit lang yan ng mga duwag
Pero nung ikaw nagsabi sakin niyan
Iba na naman ang dating saken.
Ramdam ko ang katapangan sa paginom
Kahit pa sa likod ng utak ko,
May bumubulong, na duwag ako,
At tinatakasan ko lang ang mga problema ko
Natuto akong tumira ng weeds
Natuto akong pumormang rebelde
Natuto ako ng mga salitang kanto
Natuto akong magmura
Pati ata Diyos, namura ko na..
Natuto akong ‘ang eskwela ay para lamang sa mga taong walang kwenta’
At matagal-tagal akong nasa ganoong estado ng buhay…
Pero, ayos lang ulet… Tangina… mahal kasi kita eh…
Si… Sino na nga yon?
Yung babaeng inuwi mo sa bahay?
Na pinakilala mong mas mahal mo kesa sakin?
Pasensya ka na.. Nalimot ko pangalan niya eh..
Basta siya..
Siya, na harap-harapan mong sinampal sa akin
Na nakahanap ka na ng bagong mamahalin
Ng bagong babaguhin…
Mas maporma siya sakin…
Mas magaling siyang tumoma kesa sakin…
Mas adik siya kesa sakin…
Mas maganda siya kesa sakin…
Mas seksi siya kesa sakin…
Mas nasasakyan niya ang trip ng barkada mo…
Mas marunong siya sa lahat ng tinuturo mo…
Mas… Mas… Mas…
Malamang, nagsawa ka ng magturo sakin…
Ayus lang ulet… Mahal na mahal kasi kita eh…
Hindi mo naman ako pinalayas…
Sabi mo, naaawa ka sakin, kasi wala akong titirhan..
Hindi naman ako lumayas…
Kasi, wala nga naman akong titirhan…
Pero ang totoo, ayoko lang kasing tanggapin,
Na ganun ganun mo na lang ibabasura ang relasyon natin
Matagal-tagal ding naging makapal ang mukha ko na magtagal pa sa bahay mo…
Nakikita ko kayo,
Ansarap niyo maglandian…
Pinapadinig niyo pa nga sakin e..
Ansaya niyo talaga…
Nakakainggit..
Pero, kinapalan ko pa din ang mukha ko,
At nagtagal pa din ako sa bahay mo…
Kasi, gusto kita laging makita
Mahal kasi kita…
Matagal-tagal din bago ko napansin na hindi na makapal ang mukha ko…
Lumayas na ko sa bahay mo…
Yun lang naman ang tamang gawin…
Pero kahit wala na ko sa bahay mo,
Sayo pa din umiikot ang buhay ko…
Ikaw lang ang tanging araw sa gitna ng solar system ko…
Ngayon…
Di ko na mabalik sa dati ang buhay ko
Yung ‘dati’…
Na nabubuhay akong di ka kasama…
Mahirap ibalik..
Pero minsan, kinukwestiyon ko din ang sarili ko
Kung ano ba talaga yung ‘dati’ na gusto kong ibalik
Yung ‘dati’ na wala ka?
O yung ‘dati’ na andyan ka, at masaya tayo…?
Ang sagot ng utak ko, briefcase number 1…
Pero ang sabi ng puso ko?
No Deal…
Pano na?
Di ko yata alam ang salitang ‘move on’?
Mahal pa din kasi kita eh…
Lintek yang pagmamahal na yan…
Di siya makatotohanan…
Hanggang pangarap nga lang ako eh
Na mababalik pa din ang ‘dati’…
Noon…
Masaya tayo…
Kahit pa laging tampulan ng tukso ang grupo natin
Tayo daw ang mga nerds
Ang mga bookworms,
Ang mga utak ng lipunan
At ang mga grade conscious na indibidwal…
Tayo yon…
Pero, ayos lang, kasama naman kita
Kahit pa tawagin nila kong kriminal, okay lang
Basta, andyan ka…
Mahal kasi kita…
Isa ka sa mga may pinakamagandang imahe sa buong eskwelahan
Para sakin, di lang sa school, sa buong bansa,
At sa buong mundo pa…
Ganon talaga
Mahal kasi kita…
Masaya naman ako sa ganitong sitwasyon natin
Walang commitment, pero nagkakasundo
Ayos na ayos ang lahat
Kaya lang, dumating siya
Pero, mahal pa din kita…
Nagbago ka bigla
Parang isang iglap lang,
Di na ikaw yung dating minahal ko
Pero, masaya ka naman sa kanya e
Kaya masaya na din ako,
At napapangiti pa ko sa tuwing makikitang ang mala-anghel mong ngiti
Kahit na siya pa ang dahilan ng iyong kasiyahan
At kahit ganon,
Mahal pa din kita
Naglagpakan ang grades mo
Yung scholarship mo na noon mo pa sinasalba
Biglang naglaho
Di ka na DL
At biglang nagbago ang timpla ng mga nais mo sa buhay
Nagkaroon ka din ng madaming bisyo
Kahit pa pinagbawalan kita
Dahil alam kong masama sa kalusugan mo,
Ako pa ang lumabas na mali.
Siya ang tama.
Siya kasi ang mahal mo
Ako? Wala lang, mahal lang kita e…
Napariwara na ang buhay mo
Nawalan ng direksyon
Napalayas ka pa senyo
At nagbago na ang ugali mo
Ngunit sa kabila ng pagbabago mo
Nakatanaw lang ako sa di kalayuan,
Nagbabantay, at nagmamahal
Isang araw, bigla ka niyang pinalitan
Di ko matanggap
Na may kapalit ka pa pala
Sakin kasi, wala na.
Wala na talaga.
Ang bobo nung lalake,
Di ba niya alam na minsan ka lang ipanganak?
Pinalagpas ka pa niya
Sus! Dakilang BOBO talaga
Di lang bobo…
Tanga
Inutil
Walang kwenta
Pariwara
Pero above all, mayaman siya
Mahal mo siya eh…
Saksi ako sa mga paghihirap mo
Pero, mas nahihirapan ako,
Kasi, wala akong magawa
Di ako pwedeng makialam
Mahal lang naman kasi kita
Wala ng iba
So, wala akong karapatang makisawsaw sa buhay mo
Pero nasasaktan ako
Sa tuwing sinasaktan ka niya
Mas masakit pa kesa sa inaakala mo
Nung nagdesisyon kang umalis sa poder ng hayup na yon
Nalungkot ako,
Wala na pala talaga kayo
Dapat masaya ako diba?
Eto na yung hinihintay kong pagkakataon
Para maipamalas sayo
Na mas sasaya ka sa piling ko
Wala ka na nga sa kanya
Nasa poder na kita,
Pero walang nagbago,
Mahal mo pa din siya
At mahal lang din kita
Yun lang wala ng iba.
Gusto mong ibalik yung dati…
Yung ‘dati’ na hindi ko alam
Kung yung ‘dati’ na kasama mo siya
O yung ‘dati’ na iniisip ko?
Yung ‘dati’ na wala pa siya sa buhay naten?
Di bale, kahit anupamang ‘dati’ yan
Sasamahan kita
Andito lang ako
Mamahalin kita
At, ibabalik natin and ‘dati’…
